15 de decembro (Vigo). Seminario de coaching para persoal directivo
A Fundación para o Fomento da Calidade Industrial e o Desenvolvemento Tecnolóxico de Galicia pon en marcha o seminario "Coaching para persoal directivo. Mellora das competencias en innovación".
Seminario presencial (3 horas)
- Data: xoves 15 de decembro de 2011.
- Horario: 16:00 – 19:00 horas.
- Lugar: Vigo. Club Financeiro de Vigo. Avda./ García Barbón, 62.
- Aforo limitado a 20 prazas.
Obxectivos:
A través deste seminario, preténdese dar a coñecer como o coaching pode axudar ás empresas e entidades dos sectores naval, loxístico e turístico, á hora de levar a cabo os procesos de innovación nas súas organizacións.
Persoas destinatarias:
Polas súas especiais características, este programa está dirixido a persoal directivo e profesionais con experiencia, particularmente os seguintes colectivos:
- Xerentes e persoal directivo da empresa que desexen adquirir habilidades de coaching
- Profesionais da área de Recursos Humanos que deban levar a cabo e implantar procesos de coaching
- Consultores/as que desenvolvan a súa actividade profesional no ámbito dos Recursos Humanos
- Coachers que deban mellorar a súa formación ou actualizar os seus coñecementos e experiencias
- En xeral, calquera persoa que teña ao seu cargo equipos humanos
Relator:
D. Alberto Mariño.
Licenciado en Psicoloxía Industrial pola Universidade Complutense de Madrid. Máster en Dirección de RRHH pola Escola de Negocios Novacaixagalicia. Coach Profesional Senior certificado por AECOP. Foi director adxunto e responsable de Organización e RRHH en Roberto Verino. Actualmente é consultor e coach profesional, e responsable de programas en Ourense da Escola de Negocios Novacaixagalicia.
