O sector loxístico de Pontevedra explora posibilidades de negocio en Marrocos
Unha representación de empresarios de Pontevedra, na que destacan representantes do sector loxístico, visita durante esta semana as principais infraestruturas loxísticas de Marrocos, como os portos de Casabranca e Tánxer Med, entre outros, co obxectivo de establecer posibles futuras vías de negocio no país africano. A misión comercial están organizada pola Confederación de Empresarios de Pontevedra (CEP).
A delegación de entidades e empresarios que forman a misión tecnolóxica a Marrocos organizada pola CEP, con axuda do Igape, e encabezada polo seu vicepresidente Luís Novoa, foi recibida o pasado mércores en Tánxer polo director de Desenvolvemento Comercial de Tánxer Med, Bachir Sentissi.
O porto de Tánxer Med, no que operan algúns dos líderes mundiais dos servizos portuarios, vén reforzar a oferta de infraestruturas portuarias modernas e a importancia do do Estreito de Xibraltar no transporte marítimo de colectores, e aspira a converterse nunha plataforma portuaria, industrial e loxística de primeira orde integrada na rede de intercambios mundiais.
Entrevistas
Entre os integrantes da misión comercial galega, os que máis interese mostraron nas infraestruturas e cifras do porto así como de abrir posibles vías de colaboración comercial foron o representante do Porto de Vigo, José Enrique Escolar; o presidente de ATEIA Pontevedra, Francisco Raul Alonso Amoedo e o xerente da Asociación de Consignatarios e Estibadores de Pontevedra (Acoespo), Ramón Cortegoso, quen mantiveron, posteriormente á visita, unha serie de entrevistas cos responsables portuarios marroquís para tratar con máis minuciosidade temas de relevancia para os seus asociados.
Plan de expansión
Posteriormente, o grupo trasladouse á Medhub, plataforma loxística situada no porto de Tanger Med e visitou a Zona Franca, onde coñeceron de mans do seu director comercial. Mehdi Tibri, as vantaxes concedidas aos investidores españois.
Así mesmo, a delegación pontevedresa tivo coñecemento do actual plan nacional de expansión de Marrocos, baseado na creación de 21 de plataformas industriais integradas localizadas por todo o país e que suporían un salto cualitativo no mapa de infraestruturas industriais marroquí, no que poderían estar interesadas un abanico máis amplo de empresas pontevedresas pertencentes a outros sectores produtivos.
Data:13/11/2009 Fonte:www.diariodelpuerto.com
URL Orixe: http://www.diariodelpuerto.com/noticia.php?not_id=34252
