Obxectivos

O principal obxectivo de ECA-IT é mellorar os procesos de innovación empresarial na área transfronteriza de Galicia - Norte de Portugal. Para iso, o proxecto desenvólvese a través de obxectivos intermedios ou etapas que se deberán ir completando sucesivamente.

Esas etapas intermedias son as que se expoñen a continuación:

• Identificación de sectores con problemáticas semellantes para desenvolver procesos de innovación empresarial que teñan presenza representativa nos dous lados da fronteira.

• Detectar os sectores que sexan susceptibles de mellorar a sua eficiencia introducindo un modelo de innovación.

• Crear estruturas de cooperación conxuntas.

• Sensibilización e captación de empresas para a posta en valor dos procesos de innovación empresarial.

• Identificar perfís profesionais que, dentro das empresas, teñan potencialmente capacidade para impulsar proxectos de innovación.

• Formar a 60 persoas, identificadas como posibles "innova-xestores", a partir de programas de formación presencial e "blended-learning".

• Participación de 60 persoas no programa de prácticas laborais en empresas transfronteirizas.

• Crear un perfil conxunto do Axente de Innovación.

• Identificar e seleccionar "coachers" en materia de innovación en Galicia e Norte de Portugal.

• Homoxeneizar os procedementos de actuación dos "coachers" en Galicia e Portugal.

• Crear ferramentas de soporte e xestión de proxectos de innovación.

• Crear tres servizos de vixilancia competitiva nos sectores naval, turístico e loxístico.

• Posta en marcha dun Banco de Coñecementos sobre proxectos transfronteirizos innovadores.

• Desenvolver metodoloxías para a identificación de proxectos de innovación conxuntos.

• Apoiar proxectos piloto que poidan xerar un efecto "arrastre" sobre outras empresas.

• Estudar a viabilidade para a posta en marcha dunha estrutura de cooperación permanente en materia de innovación.

• Facilitar a posible transferencia das boas prácticas detectadas na execución do proxecto ECA-IT cara outros ámbitos xeográficos ou sectoriais.

• Ebarorar un directorio de empresas innovadoras da Eurorexión Galicia - Norte de Portugal.

• Divulgar o programa e resultados que se acaden ó finalizar a execución do proxecto.